Рюжи Сато жамоаларимиз учун қанчалик омадли?
22 мар 2016 13:18
Янгиликлар
![](https://championat.asia/upload/storage/202229_original.jpg)
![](/upload/storage/202229_220.jpg)
Рюжи Сато жамоаларимиз учун қанчалик омадли?
Шу тариқа, Рюжи Сато олтинчи бор ўзбек жамоалари иштирокидаги ўйинда ишлайди
2014 йил U19 Ёшлар ўртасидаги Осиё чемпионати гуруҳ босқичи доирасида Ўзбекистон БАА билан 2:2 ҳисобида дуранг ўйнаганди.
Ушбу ҳакам 2015 йил Жанубий Корея - Ўзбекистон ўртасидаги ўртоқлик учрашувида ҳам ишлаганди. Учрашувда Зоҳир Қўзибоев гол урганди ва баҳс 1:1 ҳисобида тугаганди.
Ўтган йил Сато ОЧЛ гуруҳ босқичи доирасида "Локомотив"нинг "Фулад"га қарши учрашувида ҳакамлик қилган. Ўша учрашув ҳам 1:1 ҳисобида тугаганди.
Бу йил Рюжи бир йўла икки бор ўзбек клублари иштирокидаги учрашувни бошқариб борди.
ОЧЛ 1-тури доирасидаги "Ал Аҳли" - "Насаф" ўйинида "аждарлар" 1:2 ҳисобида ютқазиб қўйишганди. Ўша ўйинда ҳакам Эркин Бойдуллаевга қизил карточка кўрсатган ва Дилшод Раҳматуллаевга нисбатан ишлатилган қўполликни эътиборсиз қолдирганди.
3-турдан ўрин олган "Сепахон" - "Локомотив" учрашувида "темирйўлчилар" Марат Бикмаев ва Сардор Мирзаевнинг голлари эвазига зафар қучишганди - 2:0.
Эслатиб ўтамиз, Ўзбекистон - Филиппин учрашуви 24 март куни Тошкентдаги "Бунёдкор" стадионида соат 18:00да бошланади.
Ўхшаш янгиликлар
![AMP Logo](https://championat.asia/image/logo-amp.png)
Фикрлар