Рюдигер: "Мен "Челси" учун боримни бердим"
15 май 2022 20:45
Янгиликлар

Рюдигер: "Мен "Челси" учун боримни бердим"

"Челси" ҳимоячиси Антонио Рюдигер Лондон клубини тарк этиши ҳақида гапирди.

"Бу қарор мен учун оғир бўлди. Клуб менга доим яхши муносабатда бўлган. Бироқ мен жамоа учун боримни бердим деб ўйлайман. Энди мени янги синов кутмоқда.

Агар санкция бўлмаганида, "Челси"да қолишим мумкинми ёки йўқми, бу ҳақда батафсил маълумот беришни истамайман. Имконият бор эди, лекин муаммо санкцияларда эмас. Бу бир томонлама ҳикоя эмас", – деди Рюдигер.

Олдинроқ германиялик футболчи келаси мавсумдан бошлаб "Реал"да ўйнаши ҳақида хабар берилганди. Рюдигернинг маоши солиқлардан кейин 9-10 миллион еврони ташкил қилади. Шунингдек, ҳимоячи Испания пойтахтига кўчиб ўтгани учун бонус олади. Расман Антонио Рюдигернинг "Реал"га ўтиши Чемпионлар Лигаси финал учрашувидан сўнг эълон қилиниши кутилмоқда.

Ҳавола :

Манба : Sky Sports

Янгиликларни Телеграмда ўқинг!

Рейтинг: +3