Руй Патрисиу “Рома”га ўтиш арафасида

Бу ҳақда италиялик журналист Николо Скира ўзининг Твиттердаги саҳифасида маълум қилдик.

Манбанинг хабарига кўра, римликлар дарвозабон учун “Вулверхэмптон”га 7 миллион евро таклиф қилишган. Инглиз клуби эса 10 миллион евро сўрамоқда. Бироқ, “Рома” вакиллари бонуслар эвазига ушбу келишувни амалга оширишни режалаштиришмоқда. Маълум бўлишича, 33 ёшли дарвозабон учун “Рома” уч йиллик шартнома таклиф қилган.

Патрисиу 2018 йилдан буён “Вулверхэмптон” шарафини ҳимоя қилиб келмоқда. У “бўрилар” сафига Лиссабоннинг “Спортинг” клубидан кўчиб ўтганди. Якунланган мавсумда дарвозабон АПЛда 37 учрашувда майдонга тушиб, ўз дарвозасидан 51 та гол ўтказиб юборди ва бир марта сариқ карточка билан “сийланди”.

Патрисиунинг “Вулверхэмптон” билан шартномаси 2022 йилнинг ёзига қадар тузилган. Transfermarkt портали футболчининг тахминий нархини 10 миллион еврога баҳолаган.