Рустам Мирсодиқов: “Омад биз томонда бўлди деб ўйлайман”

- Очиғини айтсам мен бугунги ўйин ҳақида тайинли гап айтишим қийин. Эртага учрашув дискини кўриб чиқиб шундагина бир хулоса чиқаришим мумкин - дея гап бошлади Мирсодиқов.

- Мен шуни олдиндан сезгандимки, битта ўйин яхши ўйнасак кейинги тур қийин бўлади. Бугун шундай бўлди. Турнир жадвалида “Нефтчи” билан ёнма-ён тургандик. Шу боис йигитлар руҳий томондан ўзларини унчалик тайёрлай олишмади. Бунинг натижасида баҳснинг 3-дақиқасидаёқ тезкор гол ўтказиб юбордик. Бундан олдинги турда “Насаф”га қарши эса ҳар тўп учун курашда ютқазмасдан ўйнадик. Футболда шунақаси ҳам учраб туради.

- “Нефтчи” жамоа яхши шаклланган. Уларга озгина омад етишмаяпти. Учрашув охирларида дарвозабонимиз Маъмур Икромов маҳорат кўрсатиб бизни иккинчи голдан асраб қолди. Акс холда бугунги ўйин ҳам дуранг билан якунланишини мумкин эди. Қолаверса ҳисоб 1:1 бўлиб турган пайтда ҳам фарғоналикларда бир неча маротаба голли вазиятлар юзага келди. Бугун омад биз томонда бўлди деб ўйлайман.