Мухлисларга “Локомотив” ва “Навбаҳор”даги фаолияти орқали яхши таниш бўлган иқтидорли ҳимоячи Рустам Аъзамовга “бургутлар” таклиф билан чиққан. 24 ёшли футболчи ўтган мавсум дастлаб “Шўртан” сафидан ўрин олганди. Аммо кейинчалик жиддий жарохатга йўлиқиб, ғузорликлар билан хайрлашишга қарор қилган.
Ундан ташқари андижонлик ишқибозларга яхши маълум бўлган Тимур Васильев ҳам яна жамоага қайтаётганини айтиш лозим. Ўтган мавсумнинг биринчи қисмини “бургутлар” таркибида ўтказиб, аммо кейинчалик “Футбол-МЕД” тиббий кўригидан муваффақиятли ўта олмай, мажбуран жамоани тарк этган футболчи учун афтидан ҳаммаси ортда қолган кўринади.
Маълумот учун Аъзамов билан Васильев ўтган мавсумнинг иккинчи ярмини қўшни Қирғизистонда, Ўшнинг “Олой” жамоасида ўтказган.
