Руслан Мельзиддинов яна "Локомотив"да

Ўтган йили Қозоғистон премьер лигаси иштирокчиси "Жетису" шарафини ҳимоя қилган Руслан Мельзиддинов бу йил ҳам ушбу юрт чемпионатида ўйнаш илинжида эди.

Аммо маълум муддат "Қайсар"нинг Туркияда ташкиллаштирилган йиғинида иштирок этган футболчимиз жамоада узоқ вақт қолмади ва юртимизга қайтиб келди.

Мельзиддинов айни пайтда яна собиқ жамоаси бўлмиш "Локомотив" йиғинида иштирок этмоқда.

Русланни "темирйўлчилар" устози Ҳаким Фузайлов бугун "Насаф"га қарши кечган синов-назорат баҳсида ҳам майдонга туширган. Унинг жамоада қолиш масаласи ҳозирча аниқ эмас.