Руслан Аҳмедов: "Биз танлаган услуб Чемпионлар лигасидаги клублар ёки терма жамоаларда ҳам учрайди"

Ўйин ҳақида

- Ўйин оғир руҳда ўтишини олдиндан билгандик. Бу ҳаво ҳарорати билан ҳам боғлиқ, бугун 30-40 даража иссиқ бўлиши кутилаётганди. Юқори ҳарорат икки жамоага ҳам ўз таъсирини ўтказди. Яккакурашларда "Арал" футболчилари бизникиалрга қараганда тезроқ ҳаракат қилди. Шу боис, ўйин бошида назоратни йўқотиб қўйганимиз сабабли гол ўтказиб юбордик. Йигитларга раҳмат, улар ҳаракат қилишди, иккинчи бўлимда қарши ҳужумлар ташкиллаштиришди. Натижа адолатли бўлди, деб ўйлайман. 

Жамоанинг бугунги ўйинга ташрифдан мақсади ҳақида

- Шогирдларимга доимо "Майдонга ғалаба учун чиқинглар, бошқа натижа бўлмаслиги лозим", дея уқтираман. Ғалаба қайси лигада бўлишидан қатъий назар, футболчига мотивация беради.

"Хоразм"  ҳисобни тенглаштириб олгач, вақтни чўзишга ҳаракат қилди...

- Натижага эришиш учун иккинчи жамоа бўлиб туриб қарши ҳужумларда вазият яратишимиз керак эди. Бу фақат бизда эмас, дунё футболи шунақа. Ҳатто Чемпионлар лигаси ёки терма жамоалар ўртасидаги ўйинларда ҳам қайсидир жамоа натижага эришиш учун шундай услуб қўллайди. 

"Хоразм"нинг молиявий аҳволи ҳақида

- Ўтган йилги ҳисоб-китобларни ҳал қилишди, аммо янги мавсумда бу борада бироз молиявий танглик бўлмоқда. Лекин аҳволимизни ёмонмас деса ҳам бўлади. Яқинда футболга оид Президентимиз қарори эълон қилинди, шу боис эндиликда жамоага ҳомий бириктирилса керак.