Рубин Хебай — Суперлиганинг 2023 йилдаги энг яхши футболчиси
10 янв 2024 14:02
Янгиликлар

Рубин Хебай — Суперлиганинг 2023 йилдаги энг яхши футболчиси

Ўтган мавсум Ўзбекистон чемпионатига кириб келган Рубин Хебай бир йил ичида қай даражадаги футболчи эканлигини кўрсатишга эришди.

Ҳужумчи жорий мавсум “Андижон” сафида Суперлига баҳсларида 12 та гол уриб, тўпурарлар орасида иккинчи бўлди ва жамоасини 6-ўрини қўлга киритишга катта ҳисса қўшди. Ҳозиргина ПФЛ томонидан йилнинг энг яхши футболчиси эълон қилинди ва у “Андижон”нинг албаниялик ҳужумчиси Рубин Хебай бўлди.

Шу тариқа, Хебай Ўзбекистондаги илк мавсумидаёқ Суперлиганинг энг яхши футболчисига айланди.