"Биз фақат бугунги ўйинда эмас, бошқа ўйинларда ҳам оддий голларни ўтказиб юборяпмиз. Ҳужумдаги ноаниқлигимиз, ҳужумдаги ўйинимиз. Мағлубиятга олиб келяпти. Биз қўпол хатолар қиляпмиз ҳимояда. Стандарт вазият бугун рақибга қўл келди. Иккинчи бўлимда қанчалик ташаббусга эга бўлмайлик, вазият яратмайлик, барибир гол ура олмадик. Асосий муаммоларимиздан бири бўляпти. Ҳужумда якунлаш, ҳужумда охирига етказиш бу мағлубиятга олиб келяпти. Гол урмасанг ғалаба қозона олмайсан. Натижа шу учун биз учун кўнгилдагидек бўлмаяпти", - дея гап бошлади Рўзиқул Бердиев.
- "Насаф"нинг сўнгги 14 ўйинига назар ташласак, фақатгина 3 ғалаба бор. Бу нима билан боғлиқ деб ўйлайсиз?
- Бунга эътибор қаратмаган эканмиз. Албатта, биз қайсидир ўйинларда омадсизликка учраяпмиз. Ёмон ўйнадик деб бўлмайди-ю. Лекин бу биз учун албатта жудаям хунук натижа. Биз очколар йўқотганимиз учун биз ҳозир мана шу ўринни эгаллаб турибмиз.
- Биламиз, Жамбули Жигаури "Насаф" жамоаси сафида ҳаракат қилган. Нега Жигаурини ўз вақтида жамоада сақлаб қолмагансиз? "Насаф" легионерларни танлашда қандай жиҳатларга эътибор қаратади?
- Жаба бизда чемпион бўлишга катта ёрдам берган эди. Ўшандан кейин жамоада ўзгаришлар бўлди. Бошқа ўйинчиларни таклиф қилганимиз учун Жабо биз жамоамизни тарк этган эди. Бугунги ўйинда ҳам ўзини яхши тарафдан кўрсатди. Легионер масаласида бу олдин ҳам айтиб ўтганмиз. Легионерларни танлаш бу осон нарса эмас. Кўп жиҳатга эътибор берасиз-у, лекин кириб кетиш учун, жамоага мослашиш учун кимгадир вақт етмайди ёки савияси, даражаси етмайди. Ўшанинг учун бу жиҳатларга эътибор берамиз. Охирги пайтда бизга бунга кўп имконият бўлмади. Ўшанинг учун легионерларни кўп таклиф қилмадик.
- Сиз ҳозирда бу мавсумдаги ҳамкасбларингиз орасида энг тажрибали ва совриндор мураббийлардан бирисиз. Нима учун сизни терма жамоага жалб қилишмаяпти, ишонч билдиришмаяпти? Шу саволга қандай жавоб берган бўлардингиз?
- Очиғи, бу саволга қандай жавоб беришни ҳам билмайман. Бу савол менга эмас шекилли. Бу саволга жавоб бера олмайман.
- Демак, сабаб сизда эмасми ёки...
- Йўқ...
- Истеъдодингизни кўришмаяптими?
- Билмадим, билмадим. Ўзимни унчалик иқтидорли мураббий ёки футболчи деб ҳисобламайман. Кечиринг, ушбу саволингизга жавоб беролмайман.
- Ўйинчи сифатида ҳам яхши эдингиз, мураббий сифатида ҳам миллий терма жамоа бош мураббийи учун сизда қандайдир номуносиб жиҳатлар бор деб айта олмайман. Ҳеч бўлмаганда ёшлар ёки олимпия терма жамоасига тўлиқ муносибсиз.
- Майли, келинг, кейинги саволга ўтсак.
