Рўзиқул Бердиев мухлислар билан ўзаро суҳбатлашди
22 июл 2016 11:12
Янгиликлар
![](https://championat.asia/upload/storage/216168_original.jpg)
![](/upload/storage/216168_220.jpg)
Рўзиқул Бердиев мухлислар билан ўзаро суҳбатлашди
Кеча Самарқанддаги назорат учрашувини томоша қилиш учун вилоятимиздан кўплаб клубимиз ишқибозлари ташриф буюришди.
Учрашув бошланишигача бўлган вақтдан унумли фойдаланган мухлисларимиз, жамоамиз бош мураббийи Рўзиқул Бердиев билан биргаликда буюк давлат арбоби ва саркарда Соҳибқирон Амир Темур бобомиз дафн этилган - Гури Амир мавзолейини зиёрат қилишди. Буюк бобомиз руҳига фотиҳалар ўқилди.
Зиёрат ниҳоясига еткач мухлислар ва Рўзиқул Бердиев ўртасида қизғин суҳбат бўлиб ўтди. Мухлислар ўзларининг қизиқтирган саволларига батафсил жавоблар олишди. Суҳбатдан мухлисларнинг кўнгли тўлди ва улар жамоамиз мураббийи орқали футболчиларимизга омадлар тилашди.
Албатта бу ўзаро ҳурмат - жамоа ва мухлислар ўртасидаги ўзаро ҳамжиҳатлик ва ишончнинг ортишига хизмат ҳам қилади.
Шунингдек улар биргаликда эсдалик учун расмга ҳам тушишди.
Ўхшаш янгиликлар
![AMP Logo](https://championat.asia/image/logo-amp.png)
Фикрлар