UZ

Сўнгги янгиликлар

01:49А Серия. "Милан" мавсумдаги илк ғалабасини қўлга киритди  0 01:19"Манчестер Юнайтед" Антонини сотишга рози бўлди  1 00:58Саудия Арабистони. Роналдудан 940-гол, Феликсдан хет-трик: "Ал Насср" мавсумни йирик ғалаба билан бошлади  8 00:17Лени Йоро: "Манчестер Юнайтед" "Арсенал"га қарши зўр ўйнади, "Фулхэм" билан ўйинда омад етишмади"  5 23:59Саудия Арабистони. "Ал Ҳилол" мавсумни ишончли ғалаба билан бошлади  2 23:46"Ливерпуль" ва "Рома" келишувга эришди  0 23:25"CAFA Nations Cup-2025". Эронда ғалаба, Тожикистон Ҳиндистонга ютқазди  0 22:55Суперлига. "Динамо" — "Андижон" ўйини 15 ноябрь куни ўтказилади  1 22:30"CAFA Nations Cup-2025". Тожикистон уйда Ҳиндистонга ютқазди   4 21:45Жалолиддин Машарипов: "Янги мураббийни кучлироқ ўйинларда яхшироқ билиб оламиз, Осиё жамоаларини мураббийсиз ҳам ютганмиз"  29 21:20Жамшид Искандеров: "Ҳужумкор ўйнаймиз, лекин ҳар бир рақибни ҳурмат қиламиз"  5 21:00Бир ўйин тарихи. Ўмон - Ўзбекистон 4:2. Футболимиз тарихидаги энг ғалати мағлубият қандай юз берганди?  21 20:30Бир ўйин тарихи. Ўмон Ўзбекистонни Олмалиқда қандай мағлуб этганди? Аҳмедов дебют қилган, ПСЖ собиқ мураббийи Қосимовни енгган ўйин  2 20:06Интервью. Валерий Кичин: "Бухоро" кубокда сенсация қилса керак, "Нефтчи" чемпионликни қўлга киритиши мумкин"  4 19:39"Челси" собиқ футболчиси фаолиятини "Севилья"да давом эттиради  0

Рўзиқул Бердиев: “Афсуски, бўлажак ўйин олдидан таркибимизда йўқотишлар бор” Янгиликлар

Рўзиқул Бердиев: “Афсуски, бўлажак ўйин олдидан таркибимизда йўқотишлар бор”

"Насаф" - "Бухоро" (3:1) учрашувидан кейинги матбуот анжуманинг иккинчи қисмида Рўзиқул Бердиев ва Бобир Абдухолиқов иштирок этишди.

Рўзиқул Бердиев: - “Бухоро” жамоасида тажрибали ўйинчилар йиғилишган, бугунги учрашувдан кейин жамоа олдига бемалол чемпионлик вазифасини қўйса ҳам бўлар экан деган, фикрга келдим. Жамоада юқори тажрибага эга футболчилар жам бўлган. Аммо футболчиларимизнинг бугунги кўрсатган ўйинига алоҳида миннатдорчилик билдираман, рақибга нисбатан тезроқ ўйнадик ва фикрладик. Бу орқали бугун биз ишончли ғалабага эришдик. Гувоҳ бўлдиларингиз, футболчиларимиз бугун ўз характерини ҳам намойиш қилишди. Ўша биринчи голдан кейин улар тушкунликка тушишмади ва олдинга боришди. Натижада ишончли ғалабани қўлга киритдик. Бу ҳолат албатта мураббийларни хурсанд қилади. Йигитларимизнинг ўйинидан мамнунман. Уларга яна бир марта раҳмат айтаман.

Биз рақибни яхши ўрганган эдик. Рақиб футболчиларини асабийлашиши учун, футболчиларимизнинг тезкор ҳаракатлари ҳам сабаб бўлди. Биз бунга тайёр эдик. Рақиб қупол ўйнайдими ёки бошқачами, қўрқмасдан ўйнаш керак. Бошқача айтганда футболчиларимизнинг ҳам энди ёшлиги қолмади. Улар ҳар қандай рақиб билан муносиб курашиши керак.

Драган Черан? Ҳужумчимиз айни пайтда уйда муолажа олаяпти. Биз у билан алоқада бўлиб турибмиз. У эртага Қатарда бўлади ва навбатдаги ўйинга тайёр. Аслида уни тезроқ майдонга қайтиши учун юртига юборган эдик. Чунки у ерда бу жароҳатларни тез даволайдиган мутахасислар кўп. У бизга керак, кетма-кет оғир ўйинларни ўтказаяпмиз, у буни яхши англаб турибди.

Дониёр Нарзуллаев? Дониёрга агар бугун рухсат берсак, майдонга тушишга тайёр. Аммо у керакли муолажаларни олиши керак, шифокорлар шуни талаб қилишаяпти. Ўйлайманки, у бир ойларда сафимизга қайтади.

Афсуски, бўлажак ўйин олдидан таркибмизда йўқотишлар бор. Биз бу ҳақда чуқур ўйлаб режалар тузиб қўйдик. Буни ҳозир очиқ айта олмайман.

Жаҳонгир Алиев? Уни албатта майдонда кўрасизлар. Биз бу футболчимизни хизматидан ҳали кўп фойдаланимиз, унга ҳали кўп имконият берамиз. Бугун унинг майдонга туширилмаганига сабаб, тактикамиз бошқачароқ бўлди. Шунинг учун Ислом Кенжабоевни майдонга туширдик. Биз таркибимиздаги барча ўйинчиларимизга имкон берамиз. Майдонга камроқ тушаётган ўйинчиларимиз борасида бошқача фикрга бормасликларингизни, сўраган бўлардим.

Бобир Давлатов? Бобирни ёшларимиз терма жамоасида қандай ўйнаганини биласизлар. Бу футболчимиз ҳозир жамоамизга мослашиш жараёнини ўтказаяпти. Бобир Давлатов ҳам жамоамизга ҳали кўп ёрдам беради. Биз барча футболчиларимизга имконият берамиз. Улар бунга тайёр туришлари керак.


Бобир Абдухолиқов: - Аввалом бор ассалому алайкум. Сўзимни бошида мухлисларимизга ташаккур билдираман. Улар бугун бизни охиригача қўллаб-қувватлаб туришди. Бугунги ғалабамизни мухлисларимизга бағишлаймиз. Уларнинг хурсанд бўлиши учун доимо боримизни берамиз. Навбатдаги ўйинларда ғалаба қозониш учун майдонга тушамиз.  

Рейтинг: +32   

Фикрлар

championat.asia
< сўнгги янгиликларни кўриш
Яндекс.Метрика