Рўзимбой Аҳмедов: "Хориж клублари билан музокаралар давом этмоқда"

Албатта “Нефтчи” мухлисларини Рўзимбойнинг кейинги тақдири қизиқтириши табиий. Биз эса футболчи билан боғландик ва  сўнгги маълумотларни олишга муваффақ бўлдик.

- Айни пайтда Тошкентдаман, - деб гап бошлади Рўзимбой. – Ҳозирча 2 та хориж жамоасидан таклиф бор. Агентларим айни пайтда улар билан музокаралар ўтказмоқда. Агар келишувлар муваффақиятли амалга ошса, хорижга йўл оламан. Айнан қайси жамоа билан музокара бораётгани ҳақида маълумот бера олмайман. Барчаси расман ҳал бўлгани йўқ. Агар хорижга йўл олмасам, “Олмалиқ” жамоасидан ҳам таклиф бор. Ҳаммасини вақт кўрсатади, - дейди Рўзимбой Аҳмедов.

“Нефтчи” ПФК матбуот хизмати.