Рой Кин: "Руни ва Фердинанд билан яқин бўлмаганман. Чунки уларнинг найрангларига тушунмаганман"

Руни 2004 йилда манкунианликлар таркибига кўчиб ўтган бўлса, Фендинанд 2002 йилда трансфер қилинган. Кин эса 2005 йилда МЮни тарк этганди.

"Уэйн ва Рио билан яқин бўлмаганман. Уларнинг менга қилаётган найрангларига тушунмаганман. Балки барчаси шахсиятга боғлиқдир.

Футбол ҳам ўзгарди, мен ҳам. Бироқ МЮдаги даврим якунланаётганини билганимда жамоага кимлар мос эканлигини тушуниб борганман. Шахсият планида улар билан муаммоларим йўқ эди.

Албатта, улар билан бирга тўп тепши ажойиб, чунки улар юқори классдаги футболчилар, бироқ уларнинг ҳийлалари... Улар билан қаҳва ичиш? Йўқ, буни ёддан чиқаринг...

Уэйнни доимо ҳурмат қилганман, у буюк футболчи. Бироқ унга инсонийлик муносабатларим илиқ эмас. Йигитча умуман бошқача сайёрадан келгандек, уларнинг хазиллари ҳам бошқача эди", - деди Кин.