“Ростов” Ўзбекистонда туғилган футболчи билан келишиб олди
30 сен 2020 19:20
Янгиликлар

“Ростов” Ўзбекистонда туғилган футболчи билан келишиб олди

“Тамбов” форварди Владимир Обухов жорий трансфер ойнасида клубини ўзгартиришга яқин.

“Championat.com” манбасига кўра, “Ростов” 28 ёшли форвард билан келишиб олган ва битим яқин орада амалга ошади.

Маълумотларга қараганда, Обухов донликлар билан 3 йиллик шартнома имзолайди. У “Спартак” тарбияланувчиси ҳисобланади ва 2019 йил “Тамбов” билан 2021 йилнинг ёзигача шартнома имзолаган эди.

Владимир РПЛ жорий мавсумида 9 ўйинда қатнашиб, самарали натижа кўрсатолмади. Қайд этиш жоиз, Владимир Обухов 1992 йил, 8 февраль куни Бухорода туғилган.

Аввалроқ, “Ростов” "Женоа"га ўтиши кутилаётган Элдор Шомуродовнинг ўрнини тўлдириш учун “Локомотив М” ҳужумчиси Лука Жоржевич билан ҳам музокара ўтказаётгани ҳақда хабар бергандик.

Ҳавола :

Манба : championat.com

Янгиликларни Телеграмда ўқинг!

Рейтинг: +17