"Ростов" бир қатор легионерлар билан хайрлашишга тайёр

Жамоада энг кўп маош оладиган Рагнар Сигурдссон "Ростов" раҳбариятидан ҳамкорликни муддатидан аввал бекор қилишни сўраган. Манбанинг хабарига кўра, исландиялик футболчи эркин агентга айланиши мумкин.

Шунингдек, жамоани Бьорн Сигурдарсон (бельгия клубидан қизиқиш бўлмоқда), Антон Салетрос (23 ёшли футболчига Швеция ва Венгрия чемпионатининг етакчи клублари қизиқмоқда) ва Видар Кьяртанссон (29 ёшли футболчи мавсумнинг биринчи қисмини ижара асосида "Рубин"да ўтказди. Унга Туркия, Хитой ва Швециядан таклифлар бор) тарк этиши мумкин.

Эслатиб ўтамиз, "Ростов" шарафини ҳимоя қиладиган ҳамюртимиз Элдор Шомуродов мавсум якунига қадар рус клубида қолиши ҳақида аввалроқ хабар бергандик.