Россиялик ҳужумчи учун курашга амалдаги ЕЧЛ ғолиби ҳам қўшилди

Бу ҳақда Mirror нашри хабар бермоқда. Манбанинг маълумотига кўра, россиялик страйкер учун кураш авжига чиққан. 21 ёшли Чалов 20 млн. фунтга (25 млн. доллар) баҳоланмоқда. Унга шунингдек, "Арсенал", "Тоттенхэм", "Манчестер Юнайтед", "Манчестер Сити", "Бавария", "Боруссия Д", "Монако" ва "Севилья" клублари жиддий қизиқиш билдиришмоқда. 

Аммо, Чалов кўпроқ ўйин амалиётига эга бўлиш учун ўзига муносиб клуб изламоқда. "Энфильд" каби стадионга эга жамоанинг асосий таркибига кириш россиялик иқтидорли футболчи учун осон бўлмаслиги аниқ.

Қайд этиш керак, Чалов ўтган мавсум Россия чемпионати тўпурари бўлди (30 ўйин, 15 гол, 7 та ассист).