"Россия клублари Ўзбекистон терма жамоаси аъзосини бепул қўлга киритишни хоҳлашмади"
02 фев 11:54
Янгиликлар

"Россия клублари Ўзбекистон терма жамоаси аъзосини бепул қўлга киритишни хоҳлашмади"

Айни пайтда Қатардаги Осиё кубогида иштирок этаётган Отабек Шукуров борасида хабар пайдо бўлди.

Ўзбекистон терма жамоаси ярим ҳимоячиси Отабек Шукуров Россия премьер-лигасининг бир қатор клубларига таклиф қилинганди, аммо улар 27 ёшли футболчига қизиқиш билдиришмади. Бу ҳақда россиялик журналист Константин Белов ўз телеграм каналида маълум қилди.

"Шукуров 2024 йил январь ойидан буён эркин агент ҳисобланади. Унинг охирги клуби "Фатиҳ Карагюмрюк" бўлганди. Бу мавсумда ўзбекистонлик футболчи 15та ўйинда 1та ассист қайд этганди. Transfermarkt портали уни 2,5 миллион еврога баҳоламоқда.

Тажрибали футболчини бепул қўлга киритишни ҳеч қайси клуб хоҳламагани ҳайратланарли. Кўрамиз, балки қайсидир клуб яхшироқ ўйлаб кўрар", - деб ёзади муаллиф.