Роналдунинг трансфери нафақат клубга, балки бутун Саудия футболи учун катта фойда келтиради

Декабрь ойида португалиялик ҳужумчи "Ал Наср" билан 2,5 йилга мўлжалланган шартномага имзо чекди. 

"Криштиану Роналду – футбол тарихидаги энг буюк футболчилардан бири эканлигига ҳеч кимда шубҳа бўлмаса керак. Уни дунёнинг турли бурчакларида ҳурмат қилишади ва ўйинларини севиб томоша қиладилар.

Унинг трансфери нафақат алоҳида клубга, балки бутун Саудия футболи учун катта фойда келтиради, деб ўйлайман. Бу келишув саудиялик ёш болалар учун Криштиануга ўхшаш, ўз орзулари томон интилишларида ўзига хос қўшимча туртки бўлиб хизмат қилади.

Шу билан бирга энди улар Роналдунинг бугунги даражага етиши учун замин яратган меҳнаткашлиги, ҳаракатларини бевосита кузата оладилар", – деди Ёсир Ал Мисехал.