Роналду яна қанча муддат ўйнамоқчилигини айтди

“Биринчи навбатда 20 йил давомида мен билан бирга терма жамоада ўйнаган барча жамоадошларимга раҳмат айтмоқчиман. Жаҳон рекорди 109 та гол эди, шунақами? Ҳозир эса мен уни 6 та голга яхшиладим. Бундан фахрланаман.

Мен жуда хурмат қиладиган ташкилот ФИФА томонидан махсус совринни қўлга киритдим. Шунингдек, оила-аъзоларимга ҳам миннатдорчилик билдирмоқчиман. Тез орада яна ота бўламан. Тарихдаги энг яхши тўпурар бўлиш ажойиб, бундан фахрланаман.

Менда ҳали ҳам ўйнашга ва гол уришга иштиёқ бор. Беш ёшимдан футбол ўйнайман. Машғулотларга киришганимдаги мотивациям ҳам ҳали бор.

37 ёшимга қарамай, ўзимни яхши ҳис қилмоқдаман. Қаттиқ меҳнат қилишда давом этаман ва ўйнашни хоҳлайман. Яна 4-5 йил давомида фаолиятимни давом эттиришимга умид қиламан. Агар танангизга яхши муносабатда бўлсангиз, у ҳам сизга керак бўлганда жавоб қайтаради”, дейди Роналду.