Роналду, Хамес ва Данило “Сельта”га қарши ўйинни ўтказиб юборишлари мумкин

Aslanov Jasurbek

24 янв 2017, 01:45

Мадриднинг “Реал” клуби футболчилари - Криштиану Роналду, Хамес Родригес ва Данило “Сельта”га қарши Испания Кубоги доирасидаги жавоб учрашувида майдонга тушмасликлари мумкин.

Чорак финалнинг ушбу жавоб ўйини 25 январь куни Виго шаҳрида бўлиб ўтади. Мадридда кечган илк учрашувда “Қироллик клуби” кутилмаганда 1:2 ҳисобида имкониятни бой берганди.

Уччала футболчи ҳам “Реал”нинг кечаги кунги машғулотларида иштирок этишмади. “Сельта” билан бўлиб ўтадиган ўйинда Гарет Бэйл, Пепе, Даниэль Карвахаль, Марсело ва Лука Модричлар ҳам майдонга тушишмайди.