Роналду Португалиядаги 10 миллион евродан ошиқроқ нархда баҳоланган вилласи учун ишчилар қидирмоқда

Қайд этилишича, форвард тўрт нафар хизматчи, ошпаз ва хизматчилар бошлиғига лавозимига ишчилар ёлламоқчи. Иш ҳақи ойига 6 минг еврони ташкил этади. Даъвогарлар Атлантика океани соҳилидаги Кашкайшдаги виллада хизмат қилади. Роналду уни 10 миллион еврога сотиб олган. Уч қаватли вилланинг майдони 2720 квадрат метрни ташкил қилади, ундаги очиқ майдон - 544 кв. метрга тенг, у ерда бир нечта боғ, очиқ бассейн (қўшимча равишда ёпиқ бассейн), спорт зали, теннис корти ва 20 дан ортиқ автомобиллар учун гараж мавжуд.

Роналду ҳозирда эркин агент ҳисобланади. Португалиялик форварднинг фаолиятини давом эттириш учун энг яқин вариант Саудиянинг "Ал Насср" клуби бўлиб турибди.