Роналду Кьезанинг "Ювентус"га ўтишини хоҳламоқда, Сарри эса бунга қарши (Calciomercato)
22 май 2020 00:04
Янгиликлар

Роналду Кьезанинг "Ювентус"га ўтишини хоҳламоқда, Сарри эса бунга қарши (Calciomercato)

"Ювентус" ҳужумчиси Криштиану Роналду "Фиорентина" ҳужумчиси Федерико Кьезани Туринда кўришни истаяпти.

Манбада айтилишича, португалиялик 22 ёшли футболчининг трансферига ўз ҳиссасини қўшишга тайёр ва клуб раҳбариятини бу келишувни амалга оширишга кўндирмоқчи.

Шу билан бирга, "Ювентус" бош мураббийи Маурицио Сарри италиялик футболчини сотиб олишга қарши ва маблағни бошқа трансферларга йўналтириш истагида.

Таъкидланишича, "Фиорентина" Кьеза учун 60 миллион евро талаб қилади.

Аввалроқ, "Ювентус" Кьеза билан шартнома шартларини келишиб олгани ва "Фиорентина" эгаси Рокко Коммиссо футболчини Туринга қўйиб юборишга рози бўлганлиги ҳақида хабар берилган эди.

Ушбу мавсумда Кьеза Италия чемпионатида 23 та ўйин ўтказиб, 5 та гол урди ва 6 та голга ассистентлик қилди.

Ҳавола :

Манба : Calciomercato

Янгиликларни Телеграмда ўқинг!

Рейтинг: +6