"Ўйиндан кейин ҳолатимиз жуда ёмон эди. Футболчилар чим устида ётишар, баъзилар эса шунчаки бошларини эгиб туришарди.
Футболчиларга далда бериш учун майдонга чиқдим. Криштиану олдидан ўтиб кетаётганимда у сербиялик футболчига: "Агар учинчи голимни бекор қилишмаганида, ҳозир сен кулиб турмаган бўлардинг".
Мен шунчаки Роналдуга ўзини босишини айтдим ва бошқаларнинг олдига кетдим. Криштиану менга ишонади", - деди Сантуш.
Эслатиб ўтамиз, шу йил март ойидаги ўйиннинг (2:2) 93-дақиқасида Роналдунинг зарбасини сербиялик футболчи қайтариб қолганди. Ҳакамлар ўша вазиятда тўп чизиқни кесиб ўтмади деб ҳисоблашган. Шу сабабли, ўшанда ҳисоб ўзгармай қолганди.
