Роналду Байрутдаги терактда ота-онасидан айрилган болакай билан учрашади

12 ноябрь куни террористлар Байрутнинг жанубий қисмида одамлар кўп жойда теракт амалга оширган эди. Натижада 43 киши ҳалок бўлди ва 239 дан ортиқ киши жароҳат олди.

Терактда Ҳайдарнинг ота-онаси вафот этди. Журналист аёл Рана Харби ижтимоий тармоқда #CristianoMeetHaidar хештэги орқали Ҳайдар ҳақида ёзди ва бу ҳикоя тез орада машҳур бўлиб кетди.

"Реал"нинг ливанлик мухлисларининг маълумотларига кўра, Испаниядан қўнғироқ бўлган ва болакай Роналду билан тез орада учрашади.