Роналду 36 ёшга тўлгани муносабати билан Инстаграмда катта пост қолдирди
06 фев 2021 08:13
Янгиликлар
![](https://championat.asia/upload/storage/618594_original.jpg)
![](/upload/storage/618594_220.jpg)
Роналду 36 ёшга тўлгани муносабати билан Инстаграмда катта пост қолдирди
Кеча португалиялик футболчи 36 ёшга тўлди.
"36 ёш, ақл бовар қилмайди! Барчаси ҳудди кеча бошлангандек. Аммо ушбу саёҳат эслаб қолиш лозим бўлган саргузашт ва тарихга эга. Менинг илк коптогим, биринчи жамоам, биринчи голим... Вақт учмоқда!
Мадейрадан Лиссабонга, Лиссабондан Манчестерга, Манчестердан Мадридга, Мадриддан Туринга... Янада аниқроғи, чин кўнгилдан бутун дунёга... Мен боримни бердим, хеч қачон ўзимни аямадим ва ўзимнинг энг яхши талқинимни яратишга ҳаракат қилдим.
Бунга жавобан эса менга меҳр, муҳаббат ва чексиз қўллаб-қувватлашларни совға қилишди. Бунинг ҳаққини хеч қачон қайтара олмайман. Мен сизларсиз буни уддалай олмасдим.
36 ёшимни, профессионал футболчи сифатидаги 20 ёшимни қаршилар эканман, афсуски сизга яна бундай 20 йилликни ваъда қила олмайман. Аммо ҳозирча яна футбол ўйнашга, 100 фоиз кучимни бағишлашга ваъда бераман!
Яна бир марта қўллаб-қувватлаганингиз, илиқ тилакларингиз учун раҳмат! Бу мен учун катта аҳамиятга эга. Сиз қалбимда алоҳида ўрин тутасиз", - деб ёзиб қолдирди Роналду Инстаграмдаги саҳифасида.
Ўхшаш янгиликлар
![AMP Logo](https://championat.asia/image/logo-amp.png)
Фикрлар