Родри зич тақвимни танқид қилди

"Манчестер Сити" ва Испания терма жамоаси ярим ҳимоячиси Родри зич тақвимдан норози.

"Одамлар фақат ўйинни кўради, лекин олдинги давр, тайёргарлик, саёҳат, меҳмонхонада ўтказган вақтлар ҳам бор. Ростини айтсам, бу борада бирор нарса қилиш керак. Ўйинлар кўпайиб бормоқда ва бу тўхтайдиганга ўхшамайди.

Сиз футболчилар ҳақида қайғуришингиз керак. Мен буни жуда яхши тушунаман. Футбол бизнес эканлигини биламан, бунинг учун катта пул жалб этилишини ҳам биламан, лекин спортчиларга ғамхўрлик қилишингиз керак бўлган нуқта ҳам бор", – деди испаниялик футболчи.

28 ёшли хавбек ўтган мавсум клуб миқёсида 50 та ўйин ўтказди. У Европа чемпионатида 5 та учрашувда ҳам қатнашди.