“Ривер Плейт” фанатлари рақиб автобусига ҳужум қилишди. Ўйин қолдирилди

Учрашувни ўтказиш учун стадионга етиб келган “Бока Хуниорс” автобусига “Ривер” фанатлари ҳужум уюштиришди. Натижада рақиб жамоа автобусининг дабдаласи чиққан. 

Полиция вакиллари оломонни тинчлантириш учун кўздан ёш оқизувчи газдан фойдаланишга мажбур бўлди. Хабарларга кўра, автобуснинг синган ойнаси орақила газ автобус салонига кирган ва “Бока Хуниор”нинг бир қатор футболчилари ўзларини нохуш ҳис қилишган.

Ҳар иккала жамоа президентлари ўйинни ўтказиш масаласини муҳокама қилишган. Натижада ўйиннинг бошланиша вақти икки марта кечиктирилган. Аммо кейинчалик ўйин роппа роса бир кундан кейин ўтказилиши борасида бир тўхтамга келишган.

Эслатиб ўтамиз, “Ривер Плейт” ва “Бока Хуниорс” ўртасида финал беллашувнинг илк ўйинида 2:2 ҳисоби қайд этилган.