Либертадорес Кубоги. Сколари жамоаси финалда омадсизликка учради. Барбозанинг голи ўйин тақдирини ҳал қилди

Унда Бразилия клублари “Фламенго” ҳамда “Атлетико Паранаэнсе” клублари ўзаро тўқнаш келди. Финалда Габриэл Барбоза рақиб дарвозасини ишғол этиб, “Фламенго”га мазкур мусобақадаги учинчи титулни олиб келди. Рақиблар таркибида Педро Энрике 1-тайм охирларида иккинчи сариқни олиб, майдондан четлатилди. “Атлетико Паранаэнсе”ни 2022 йил майидан бери Луиш Фелипе Сколари бошқариб келмоқда.

Рио-де-Жанейро жамоаси 1981 ҳамда 2019 йилларда ҳам Ливертадорес кубоги соҳибига айланган ва ўтган йил финалда “Палмейрас”га имкониятни бой берганди.

Эслатиб ўтамиз, мусобақадаги энг кўп титулни “Индепендьенте” (Аргентина) қўлга киритган – 7 та.

"Фламенго" Бразилия – "Атлетико Паранаэнсе" Бразилия 1:0 (1:0, 0:0)

"Estadio Monumental Isidro Romero Carbo"

Гол: 1:0 – 45 Габриэл Барбоза.

"Фламенго" – Сантос, Родиней, Давид Луиз, Лео Перейра, Филипе Луис (Айртон, 20), Эвертон Рибейро, Гомес, де Арраскаэта (Гомес Силва, 84), Тиаго Майя (Видаль, 71), Габриэл Барбоза (Эвертон, 84), Педро.

"Атлетико Паранаэнсе" – Бенто, Хелвен, Тиаго Элено, Педро Энрике, Абнер, Фернандиньо, Алекс Сантана (Piaui, 46), Буэно (Каноббио, 57), Уго Моура (Теранс, 75), Витиньо (Ромуло, 57), Феррейра (Пабло, 65).

Огоҳлантиришлар: Педро Энрике (28), Алекс Сантана (43), де Арраскаэта (68), Ромуло (73), Видаль (75).

Четлатиш: Педро Энрике (43).