Марсело фаолиятидаги юбилей совринни қўлга киритди

Айни дамда Марсело ўйнаётган ушбу жамоа ўз тарихида илк марта Либертадорес Кубогини қўлга киритди. Бу эса ЕЧЛнинг 5 карра ғолиби бўлган Марсело учун фаолиятидаги 30-соврин бўлди.

"Реал"дагилар мени тўғри тушунсин, балки, фаолиятимдаги энг муҳим совринни қўлга кикритгандирман. Бу клуб мени тарбиялаган. "Реал" менинг юрагимда қолади. "Флуминенсе" ҳақида гапириш эса жуда қийин", - деди 35 ёшли бразилиялик футболчи.

ЕЧЛ ва Либертадоресдан ташқари Марсело 6 марта Испания чемпионлиги, 5 марта Испания Суперкубоги, 4 марта клублар ўртасидаги ЖЧ, 3 марта УЕФА Суперкубоги, икки мартадан Рио-де-Жанейро штати чемпионати ва Испания Кубоги ғолиблиги ва бир мартадан Рио соврини ҳамда Бразилия термаси билан Конфедерациялар кубогини қўлга киритган.