Ретро. Ривалдо, Луизао ва Вильянуэва ўзбек чопонида
22 мар 2020 23:20
Янгиликлар

Ретро. Ривалдо, Луизао ва Вильянуэва ўзбек чопонида

2008 йил “Бунёдкор” сафига қўшилган бразилиялик машҳур футболчи Ривалдо олий лигадаги илк учрашувини сафарда “Машъал”га қарши ўтказган.

Ўшанда Ривалдонинг иккита голи тошкентликларга 2:0 ҳисобидаги ғалабани тақдим этганди.

Ўйинда олдин эса “Машъал” футбол клуби раҳбарияти томонидан Ривалдо, Луизао, Хосе Луис Вильянуэва, шунингдек, маълум муддат Муборакда фаолият олиб борган Миржалол Қосимовга катта эҳтиром кўрсатилиб, уларга ўзбек зарбоф чопони кийдирилганди.

Бу йил ушбу воқеага ҳам 12 йил бўларкан. Ўша пайт интернетда чиққан фото оддий кўринган бўлса-да, ҳозир кўрганингизда бошқача туйғуларни қамраб олса ажаб эмас.