Рэшфорд – АПЛда январь ойининг энг яхши футболчиси
03 фев 2023 16:40
Янгиликлар

Рэшфорд – АПЛда январь ойининг энг яхши футболчиси

"Манчестер Юнайтед" ҳужумчиси Маркус Рэшфорд Англия Премьер-лигасининг январь ойидаги энг яхши футболчиси, деб топилди.

Ушбу мавсумда иккинчи марта ойнинг энг яхши ўйинчиси совринини қўлга киритган Рэшфорд ўтган ойда ажойиб формада бўлди ва "қизил иблислар"нинг 4 та ўйинидан 3 тасида тўп киритди.

25 ёшли англиялик ҳужумчи ушбу совринга эга чиқиш учун 7 кишилик рўйхатда энг юқори натижа кўрсатди. Овоз бериш натижаларига кўра, Рэшфорд Дэн Берн, Бреннан Жонсон, Рияд Марез, Солли Марч, Давид Райя ва Букайо Сакани ортда қолдирди.

Маркус Рэшфорд аввал ушбу соврин билан 2019 йилнинг январь ва 2022 йилнинг сентябрь ойларида тақдирланган эди.

Ҳавола :

Манба : premierleague.com

Янгиликларни Телеграмда ўқинг!

Рейтинг: +8