«Регистон» ПФК Ўзбекистон Биринчилиги-2014дан четлатилди
17 июн 2014 12:05
Янгиликлар

«Регистон» ПФК Ўзбекистон Биринчилиги-2014дан четлатилди

«Регистон» ПФК, молиявий муаммолар сабаб, Ўзбекистон Биринчилиги биричи босқич 14-тур доирасидаги «Шердор»га қарши ва 15-тур доирасидаги «Гулистон»га қарши учрашувларга келмади.

2014 йилги Ўзбекистон ноҳаваскор ва ярим профессионал футбол клублари ўртасидаги мусобақалар Регламенти (4-модда, 4.26-банди)га асосан, «Регистон» ПФК 2014 йилги Ўзбекистон Биринчилиги иштирокчилари сафидан чиқарилди.

«Регистон» ПФК 2014 йилги Ўзбекистон Биринчилиги биринчи босқичининг ярмидан кўп учрашувларида иштирок этгани муносабати билан, 14-тур доирасидаги «Шердор»га қарши ўйиндан бошлаб «Регистон» ПФКга техник мағлубият (-:+), рақиб жамоаларга эса техник ғалаба (+:-) ёзилади.

«Регистон» ПФКнинг Ўзбекистон Биринчилиги-2014 иштирокчилари сафидан чиқарилиши муносабати билан, шунингдек, футболчиларнинг ҳуқуқ ва манфаатларини инобатга олган ҳолда, ушбу клуб ўйинчиларини 2014 йилги Ўзбекистон ноҳаваскор ва ярим профессионал футбол клублари ўртасидаги мусобақалар Регламентига мувофиқ, тегишли тартибда эркин агент сифатида заявка қилишга рухсат берилади.

Ҳавола :

Манба : pfl.uz

Янгиликларни Телеграмда ўқинг!

Рейтинг: