Регилон: "Реал" келаси мавсум камида битта соврин ютишига кафолат бераман"

"Келаси мавсум учта совриндан ҳеч бўлмаса биттасини қўлга киритамиз, кафолат бераман.

Чет элдан таклиф бўлди, Испания клубига ўтишдан кўра, бошқа мамлакат жамоасида ўйнашни маъқул кўраман. Аммо асосий мақсадим "Реал"да қолиш. Турли миш-мишлар айланиб юрипти, аммо ҳаммаси клуб раҳбариятига боғлиқ. Клуб бу мавсум эришган муваффақиятларимдан мамнун. Ҳаммамиз учун тўғри бўлган қарорни қабул қиламиз деб ўйлайман.

Мураббий билан суҳбатимиз ҳақида ҳеч нарса айта олмайман, аммо у билан бўлган учрашувлардан кўнглим тўлди. Хотиржамман. Мақсадим - "Реал"да қолиш. Аммо кўрамиз, нима бўлар экан. Ёз жуда узоқ давом этади ва унда ҳамма нарса бўлиши мумкин.

Трансферлар ҳақида тўхталадиган бўлсак, янги футбол жамоаси пайдо бўлади. Аммо бу мавзу менга тегишли эмас. Жамоадошларимдан мамнунман. Биз ҳозиргидан яхшироқ ўйнай олишимизни яхши биламиз. Бироқ жамоага келган барчани илиқ кутиб оламиз" - дейди Регилон.