"Реал" Погба учун 60 млн евродан кўп таклиф қилмоқчи эмас

Бу ҳақда "Daily Mail" нашри хабар берди.

Манбанинг маълумотига кўра, ўйинчига қизиқиш билдираётган "Реал" клуби унга 60 млн евродан кўп таклиф қилмоқчи эмас. Французга "Ювентус" ҳам қизиқмоқда, аммо туринликларнинг таклифи испанларникидан яхшироқ бўлиши кутилмаяпти. Бундай сумма билан чиқилаётганининг сабаби футболчининг ўзи жамоадан кетмоқчи ва ёзда унинг манкунианликлар билан келишуви тугашига бор йўғи бир йил қолади. Олдинроқ, инглиз клуби Погбага 140 млн евро нарх белгилаганди.

Поль Погба 2012 йилдан 2016 йилгача "Ювентус" сафида тўп тепган. АПЛда жорий мавсум футболчи МЮ учун еттита ўйин ўтказди ва иккита голли пас берди.