“Реал” Кейн учун 226 млн евро беришга тайёр
21 янв 2018 07:38
Янгиликлар

“Реал” Кейн учун 226 млн евро беришга тайёр

Мадриднинг “Реал” клуби ҳали ҳамон “Тоттенхэм” ҳужумчиси Харри Кейнни харид қилиш фикридан қайтгани йўқ.

Аксинча, “Қироллик клуби” футболчига тўланадиган трансфер суммасини рекорд даражада кўтаряпти. Мадридликлар мавсум якунланганидан сўнг англиялик 24 ёшли ҳужумчига 200 миллион фунт стерлинг (226 млн евро) тўлашга тайёрлар.

Агар ушбу суммадаги трансфер амалга ошса, Неймарнинг рекордини ортда қолдиради. “ПСЖ” бразилиялик ҳужумчини “Барселона”дан 220 миллион еврога сотиб олган эди.

Лекин “Тоттенхэм” президенти Дэниэл Леви нафақат Кейнни, балки жамоа бош мураббийи Маурисио Почеттинони ҳам жамоада олиб қолмоқчи. “Реал” Почеттинога ҳам жиддий тарзда қизиқиш билдирмоқда.