“Реал” ҳужумчиси АПЛга кўчиб ўтиши мумкин

“Ньюкасл” клуби Мадриднинг “Реал”идан Лука Йовични ўз сафига қўшиб олишни хоҳламоқда. Қайд этилишича, “Реал” ишончни оқламаган сербиялик ҳужумчи билан хайрлашишга тайёр. “Ньюкасл” Йович учун курашда “Милан” билан рақаобатлашишига тўғри келади. Миланликлар Лука учун 35 млн евро тўлашга тайёр.

Қайд этиш жоиз, “Реал” ҳужумчини “Айнтрахт”дан 60 млн еврога сотиб олганди. Ушбу мавсумда 22 ёшли серб барча турнирларда 24 та ўйинда қатнашди ва 2 та гол уриб, 2 та ассистни қайд этди. Унинг клуб билан шартномаси 2025 йилга қадар давом этади.