UZ

Сўнгги янгиликлар

14:43Воҳа дербиси олдидан "Машъал"да катта йўқотишлар  0 14:15"Ювентус" узумзор акс этган формасини тақдим этди  0 13:42Суперлиганинг 21-турини ўтказиб юборадиган футболчилар рўйхати  0 13:19Роналду 30га кирганидан сўнг Португалия сафида 89 та гол урди  9 12:37Ибраима Конате "Ливерпуль"га уч марта "йўқ" деди. Клуб унинг "Реал"га ўтишига кўниб бўлди  7 12:15Бразилия ЖЧ саралашида 5-ўринни эгаллади – бу тарихидаги энг ёмон натижа  3 10:56Ла Лигада ким чемпион бўлади? "CIES" тахмин қилиб кўрди  6 10:30ФИФА президенти Қатардаги портлашларга муносабат билдирди  12 10:02Қизил карточка, эҳтимолий пенальти ва четлатиш. "Алё, рэф!" ҳакамларнинг Ўзбекистон - Эрон учрашувидаги қарорларини таҳлил қилди  24 09:37Эшитдик-да тасдиқланди. Шерзод Игамбердиев расман ЎФАдан кетди  18 09:11Суперлига. Бугун ФИФА кунларидан сўнг навбатдаги турга старт берилади  6 08:40Криштиану Роналду яна бир рекордни такрорлади  11 08:10U-23 Осиё кубоги. Финал босқичига йўл олган барча жамоалар номи маълум  14 07:48ЖЧ масаласини ҳал қилган Бразилия ва Аргентина мағлуб бўлди ва бошқа натижалар  0 01:39ЖЧ-2026 саралаши. Норвегиядан 11:1, Холанддан 5та гол, Англиядан йирик, Португалиядан иродали ғалаба  17

Равшан Ҳайдаров: "Кам гол уряпмиз, лекин биз ярим финалдамиз" Янгиликлар

Равшан Ҳайдаров: "Кам гол уряпмиз, лекин биз ярим финалдамиз"

Ўзбекистон U-20 терма жамоаси бош мураббийи Равшан Ҳайдаров ва терма аъзоси Пўлатхўжа Холдорхонов U-20 Осиё Кубоги ярим финали доирасида ўтадиган Корея Республикасига қарши учрашув олдидан матбуот анжуманида қатнашди.

"Жаҳон чемпионатига чиққан барча терма жамоаларни табриклайман! Стадионни тўлдириб, йигитларга куч бериб турганлар мухлисларга раҳмат айтаман. Йигитларга матонат кўрсатган, тарбиялаган ота-оналари, мураббийларига миннатдорчилик билдираман. Олдимизда қўйилган биринчи катта вазифани бажарганимиздан хурсандмиз. 

Албатта, ўтган ўйинда кўп куч ва ҳиссиётларни йўқотдик. Бу ғалаба ҳаракатларга арзийди. Корея Республикаси билан ҳам шиддаткор ва қизиқарли ўйин бўлиши шубҳасиз. Шундай характердаги ўйинга тайёргарлик кўрмоқдамиз", – деди Равшан Ҳайдаров. 

"Барчани Жаҳон чемпионати йўлланмаси билан табриклайман. Олдиндаги мақсадимиз эса – чемпион бўлиш. Шу йўлда ҳаракат қиляпмиз", – деди Пўлатхўжа Холдорхонов.

- Ўтган мусобақаларда футболчиларнинг даражаси бир-бирига яқин бўлган ва нисбатан сизга осонроқ эди. Бугун Аббос Файзуллаев, Умарали Раҳмоналиев, Пўлатхўжа Холдорхоновни айтмаганда, қолганлар ҳали у даражага чиққани йўқ. Бу омил сизга қийинчилик туғдирмаяптими?

- Сизни кўришингиз бўйича шундай бўлса керак. Қолган футболчиларнинг даражаси терма жамоага мос, шу учун таклиф қилганмиз. Умарали, Пўлат, Аббос клубда эртароқ майдонга тушгани учун кўринган.  Қолган футболчиларнинг даражаси паст, деган фикрдан йироқман. 11 нафар даражаси юқори футболчи бўлгани билан жамоавий ўйин бўлмаса қийин. Футболчилардан жамоавий ўйинни талаб қиламиз.

- Ўзбекистон ҳам, Корея Республикаси ҳам гуруҳ босқичида 1 та тўп ўтказди. Рақибимиз шу вақтгача 9 та, биз 4 та гол урдик. Сермаҳсуллик Кореяда анча яхшироқ. Бу эртага муаммо туғдирмайдими?

- Жамоа ютиши учун гол уриши керак. Йигитлар ҳаракат қиляпти. Ўйлайманки, бўлажак ўйинларда, эртага вазиятларни голга айлантиришга ҳаракат қиламиз. Кореяга қарши иккинчи рақам остида ўйнашмоқда. Бақувват ҳужумчилар, тезкор ярим ҳимоячилар голлар яратишди. Голларимиз кам, аммо биз ярим финалдамиз. 

Мураббийнинг фикрларидан сўнг Пўлатхўжа Холдоров яна сўз олди ва қуйидагиларни айтиб ўтди:

"Ҳозир ҳаммаси ажойиб. Ўтган баҳсда мухлислар стадионда ажойиб муҳит яратилди. Кейинги ўйинларда ҳам ишқибозларни кутиб қоламиз. Бу биз учун босим юкламайди, аксинча, куч беради. Корея – кучли терма жамоа. Уларнинг кучли ва кучсиз тарафларини ўрганиб чиққанмиз. Мураббийлар шунга яраша тактика танлашяпти".

Рейтинг: +13   

Фикрлар

championat.asia
< сўнгги янгиликларни кўриш
Яндекс.Метрика