"Таркибни кучайтириш ишлари давом этаётган маҳалда жамоамизга яна бир янги футболчи қўшилди: Пўлатхўжа Холдорхонов энди "Андижон" футболчиси. У билан шартнома имзоланди ва янги мавсумда "бургутлар" учун ўйнайди.
Пўлатхўжа Холдорхонов 2003 йилнинг 6 июль санасида таваллуд топган. Ўтган йили биринчи даврада "Навбаҳор", иккинчи даврада "Шўртан" сафида тўп тепди. Ҳужумчи наманганликлар сафида (Суперлига ва Кубок) 9 ўйинда 1 та гол урган бўлса, "Шўртан"да (Суперлига ва Кубок) 16 беллашувда 7 та гол муаллифига айланди.
Шунингдек, Холдорхонов "Пахтакор" ва "Олимпик"да ҳам фаолият олиб борган", – дейилади хабарда.
