Равшан Эрматов МОҚ раисининг биринчи ўринбосари лавозимига сайланди

Кун тартибидаги асосий масала Миллий олимпия қўмитаси раисининг биринчи ўринбосари лавозимига янги номзод сайлашдан иборат эди.

Йиғилишда Миллий олимпия қўмитаси раҳбарияти, спорт турлари бўйича федерация ва ассоциация ходимлари ҳамда оммавий ахборот воситалари ходимлари иштирок этишди.

Миллий олимпия қўмитаси раисининг биринчи ўринбосари лавозимига Ирматов Равшан Сайфуддинович номзоди илгари сурилди. Кенгаш аъзолари томонидан Р.Ирматов номзоди бир овоздан маъқулланди ва сайланди.

Эслатиб ўтамиз, Равшан Эрматов шу кунга қадар бир вақтнинг ўзида Жисмоний тарбия ва спорт вазирининг биринчи ўринбосари, Ўзбекистон Футбол ассоциацияси биринчи вице-президенти лавозимларида ишлаб келаётган эди.

Равшан Сайфиддиновичга янги бошлаган иш фаолиятларида омад ёр бўлишини тилаб қоламиз!", - деб ёзилади minsport.uz сайтида.