Равшан Эрматов КОНКАКАФ Чемпионлар лигасида ишлайдиган илк осиёлик ҳакам бўлади
05 апр 2018 12:42
Янгиликлар

Равшан Эрматов КОНКАКАФ Чемпионлар лигасида ишлайдиган илк осиёлик ҳакам бўлади

11 апрель куни Тошкент вақти билан 07:00да КОНКАКАФ Чемпионлар лигаси ярим финал доирасидан ўрин олган "Америка" - "Торонто" баҳсига старт берилади.

Мехико шаҳрида бўлиб ўтадиган мазкур учрашувни ҳамюртимиз Равшан Эрматов бошқариб боради. Бу ҳақда ОФК сайти ҳам расман хабар берди. Шундай қилиб Эрматов ва унинг бригадаси КОНКАКАФ Чемпионлар лигасида ишлаган дастлабки осиёлик ҳакамга айланади.

Маълумки, ОФК ва КОНКАКАФ ўртасида ўтган йил ўзаро ҳамкорлик меморандуми тузилганди. Айнан шу меморандум натижаси ўлароқ ОФК осиёлик ҳакамларни юбормоқда. Ўз навбатида бу йил Осиё чемпионлар лигаси ярим финал ўйинида ҳам КОНКАКАФдан ҳакамлар келиб ишлашади.

ОФК Ҳакамлар қўмитаси раҳбари Шамсул Майдин бу борада шундай деди: "Биз тарихда илк марта КОНКАКАФ Чемпионлар лигасида осиёлик ҳакамлар ишлаётганидан мамнунмиз. Бундан иккала томон ҳам ютади деб ўйлаймиз. Бўлажак учрашувда Равшан Эрматовга Абдулҳамид Расулов билан Жаҳонгир Саидов ёрдам беришади".

Ҳавола :

Манба : championat.asia

Янгиликларни Телеграмда ўқинг!

Рейтинг: +44