Расмий хабар: "Навбаҳор"ни икки футболчи тарк этди
14 июн 2018 15:44
Янгиликлар

Расмий хабар: "Навбаҳор"ни икки футболчи тарк этди

"Навбаҳор" ярим ҳимоячилари Зоҳир Пиримов ва Беҳруз Содиллоев жамоани тарк этишди.

27 ёшли тажрибали Пиримов Суперлигада “лочинлар” шарафини 12та ўйинда ҳимоя қилиб, майдонда 503 дақиқа ҳаракатланди ва 1та голга муаллифлик қилди. У ўз голини 6-тур доирасидаги Жиззахда “Сўғдиёна”га қарши кечган учрашувда уриб, ҳисобни очишга муваффақ бўлганди. Зоҳир Пиримов 12та учрашувдан олтитасини бошланғич таркибда бошлаган бўлса, яна 6та учрашувда захирадан майдонга туширилганди.

22 ёшли Беҳруз Содиллаев эса жорий мавсумда “Навбаҳор” таркибида 3та ўйинда захирадан майдонга тушиб, 35 дақиқа тўп сурди. Шунингдек, Содиллаев “Навбаҳор”нинг Шуҳрат Қорабоев қўл остидаги ёшлар жамоаси таркибида ҳам 4та учрашувда майдонга тушиб, 1та гол муаллифига айланди.

“Навбаҳор” ПФК матбуот хизмати.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: +5