Расмий хабар: Дибала «Ювентус» билан шартномани 2022 йилга қадар узайтирди
13 апр 2017 15:26
Янгиликлар

Расмий хабар: Дибала «Ювентус» билан шартномани 2022 йилга қадар узайтирди

«Ювентус» аргентиналик ҳужумчи Пауло Дибала билан келишувни узайтирди.

23 ёшли ҳужумчи билан шартнома 2022 йилнинг 30 июнь санасига қадар амал қилади. Олдинроқ унинг маоши йилига 7 миллион еврогача кўтарилиши ва Гонсало Игуаинга деярли етиб олиши ҳақида хабарлар чиққанди.

Таниқлик журналист Танкреди Палмерининг маълум қилишча Дибала Италия А сериясида энг кўп маош олувчи иккинчи футболчига айланди. Биринчи ўринда Игуаин (7,5 млн).

Дибала «Ювентус»га 2015 йил «Палермо»дан 40 миллион евро эвазига кўчиб ўтганди.

Футболчи Турин клуби сафида 81та ўйинда 39та гол урди.