Расмий хабар: «Янгиер» ўрнига «Истиқлол»

2013 йилги Ўзбекистон Биринчилиги биринчи босқич якунларига кўра, кейинги босқич йўлланмасини қўлга киритган Янгиернинг «Янгиер» футбол клуби, ўз мурожаатига кўра, Ўзбекистон Биринчилиги иккинчи босқич иштирокчилари сафидан чиқарилди.

Ўзбекистон Биринчилиги иккинчи босқич баҳсларида Янгиерниг «Янгиер» футбол клуби ўрнига Тошкентнинг «Истиқлол» футбол клуби иштирок этади.

Эслатиб ўтамиз, Ўзбекистон Биринчилиги иккинчи босқич ўйинлари 12 август куни старт олади. Аввалроқ, иккинчи босқич 1-тур учрашувларини бошқариб борувчи ҳакамлар рўйхати эълон қилинганди.