Расман: Шаҳзод Азмиддинов - “Андижон” футболчиси
30 июл 11:12
Янгиликлар

Расман: Шаҳзод Азмиддинов - “Андижон” футболчиси

Ёзги селекция жараёнида "Андижон" ўз таркибини янги ўйинчи билан кучайтиришда давом этмоқда.

“Пахтакор” клуби табрияланувчиси ва ушбу жамоа шарафини ҳимоя қилиб келган иқтидорли футболчи Шаҳзод Азмиддинов энди “Андижон” футболчисига айланди.

Томонлар ўзаро келишувга эришишди ва футболчи жорий мавсум охирига қадар “Андижон”да ижара асосида тўп суради.

Маълумот учун, Шаҳзод Азмиддинов 2000 йилнинг 7 август куни таваллуд топган. У 2020 йилдан бери “Пахтакор”да фаолият олиб борган ва шу вақтга қадар 98 та учрашувда майдонга тушиб, 4 та гол урган ва 1 та голли пас узатган", - деб ёзади "Андижон" матбуот хизмати.

Championat.asia сайти бир неча кун аввал Азмиддинов "Андижон"га ўтаётгани ҳақида хабар берган эди.