Расман: "Сампдория" "Ювентус" дарвозабонини 20 миллион еврога сотиб олди
31 янв 2019 18:55
Янгиликлар

Расман: "Сампдория" "Ювентус" дарвозабонини 20 миллион еврога сотиб олди

Генуя клуби голкипер билан ижара муддати якунига етишини кутолмади ва уни сотиб олишга қарор қилди.

Эмиль Аудеро "блючеркьятти"нинг тўлақонли ўйинчисига айланди, деб хабар берди "Сампдория" клуби расмий сайти. 22 ёшли Аудеро "Ювентус" тарбияланувчиси ҳисобланади. Ўтган йил ёзда "кекса синьора" дарвозабонни генуяликларга 1 миллион евро эвазига ижарага берган эди. Энди эса Эмильни 20 миллион еврога сотиб юборишди.

Аудеро бу йилги мавсумда "Сампдория"нинг 22 учрашувида иштирок этди. Уларнинг 9тасида умуман тўп ўтказмади, қолган 13 ўйинда эса 26та гол ўтказиб юборди. Эслатиб ўтамиз, у аввал "Венеция"да ҳам ўйнаган.

Ҳавола :

Манба : championat.asia

Янгиликларни Телеграмда ўқинг!

Рейтинг: +6