Расман: Россия Премьер-лигаси ҳам коронавирус сабаб тўхтатилди

Коронавирус инфекциясининг Россияда тарқалиши хавфи туфайли 2020 йилнинг 17 мартидан 2020 йилнинг 10 апрелига қадар "РФУ" остидаги барча футбол мусобақалари тўхтатилди.

Олдинроқ, Россия Премьер-лигаси клублари коронавирус пандемияси сабабли мавсумни камида 10 апрелга қадар тўхтатишга қарор қилишганди.

Ҳозиргача РПЛда 22та тур ўйинлари ўйналди. "Зенит" (50) мусобақа жадвалини бошқармоқда. Ундан кейинги ўринларни "Локомотив" (41), "Краснодар" (41), "Ростов" (38) ва ЦСКА (36) клублари эгаллаган.

Эслатиб ўтамиз, ўзбекистонликлардан "Ростов" сафида Элдор Шомуродов, "Уфа" таркибида эса Остон Ўрунов тўп тепади.