Расман: Дани Ольмо – "Барселона" футболчиси!

"Барселона" ўзининг расмий сайти орқали катта трансферни эълон қилди. Каталония клуби "Лейпциг"дан ярим ҳимоячи Дани Ольмони сотиб олди. 26 ёшли футболчи олти мавсум – 2030 йилнинг ўрталаригача мўлжалланган меҳнат шартномасини имзолади. Трансфер учун 60 млн евродан кўпроқ тўланган.

Дани Ольмо "Барселона" академиясида 7 йил ҳаракат қилган. 2014 йилда Загребнинг "Динамо"сига йўл олган. 

Испаниялик хавбек 2020 йилнинг январь ойи охиридан бери "Лейпциг" сафида тўп тепиб келаётганди.

"Барселона" янги мавсумдаги илк расмий ўйинини 17 август, шанба куни "Валенсия"га қарши ўтказади.