Расман: "Чангчун Ятай" Самвел Бабаянни истеъфога чиқарди
05 окт 2020 17:24
Янгиликлар

Расман: "Чангчун Ятай" Самвел Бабаянни истеъфога чиқарди

Ўзбекистонлик мутахассис Самвел Бабаян "Чангчун Ятай"дан кетди.

Бу ҳақда клуби матбуот хизмати хабар бермоқда. Бабаян жамоани ўтган йилнинг декабрь ойидан бери бошқариб келаётганди.

"Чангчун Ятай" қуйи дивизиондаги "C" гуруҳида 7 турдан сўнг 14 очко (4 ғалаба, 2 дуранг ва бир мағлубият) жамғарган ҳолда 2-ўринда бораётган эди.

Жамоани эндиликда Чэнь Ян бошқариб боради.

Сайтимизга маълум бўлишича, ушбу истеъфо натижалар билан боғлиқ эмас. Яқин вақт ичида Самвел Бабаян championat.asia сайтига интервью беришга розилик билдирди.