Расман: Ботирали Эргашев – "Нефтчи" футболчиси
10 янв 20:42
Янгиликлар

Расман: Ботирали Эргашев – "Нефтчи" футболчиси

Фарғона жамоаси янги мавсум учун таркибни кучайтиришда давом этмоқда.

"Бугун тажрибали дарвозабон Ботирали Эргашев "Нефтчи" билан шартнома имзолади ва янги мавсумда дарвозамиз дахлсизлигини қўриқлайди", – дейилади "Нефтчи" матбуот хизмати берган хабарда.

Маълумот учун, Ботирали Эргашев ўтган мавсум Олмалиқнинг ОКМК клубида жами 30 та учрашувда ҳаракат қилди. Футболчи фаолияти давомида Ўзбекистон миллий терма жамоаси ва турли тоифадаги терма жамоалар таркибида, шунингдек, "Пахтакор", "Навбаҳор" ва ''Қўқон-1912'' клубларида тўп тепган.

Айни пайтда дарвозабон Ўзбекистон миллий терма жамоа билан Қатарда бўлиб ўтадиган Осиё Кубогига тайёргарлик кўрмоқда.

Ҳавола :

Манба : "Нефтчи" матбуот хизмати

Янгиликларни Телеграмда ўқинг!

Рейтинг: +7