Рақам. ЖЧ-2014 бошланишига 50 кун қолди

1950 йил Бразилияда ўтказилган жаҳон биринчилиги ўзининг кўп жиҳатлари билан ёдда қолган. Аввало шуни айтиш керак, ушбу жаҳон чемпионатида финал ўйини ўйналмаган. Яъни, тўртта гуруҳ пешқадами ўртасида ўзаро мини турнир ўтказилган бўлиб, бунда Уругвай бошқаларга нисбатан кўпроқ очко жамғарган ҳолда жаҳон чемпиони бўлган.

Қолаверса, ўша мундиалда амалдаги жаҳон чемпиони Италия кутилмаганда Швецияга 2:3 ҳисобида имкониятни бой берган. Эсингизда бўлса, 2006 йил жаҳон чемпиони бўлган итальянлар тўрт йилдан кейинги мусобақада гуруҳдан чиқа олишмаганди. Шунингдек, ЖЧ-98 ғолиби Франция 2002 йилги жаҳон чемпионатида бирортаям тўп кирита олмаганди.